டாப் 100 பணக்காரர்கள் பட்டியலில் 'சன் டிவி' கலாநிதி மாறன்!

நேற்று ‘இந்தியாவின் டாப் 100 பணக்காரர்களின்  புதிய பட்டியல்’ என்ற தலைப்பில் ஒரு பதிவு வெளியிட்டிருந்தேன். இன்று வெளியிட்டுள்ள இப்பதிவினை அதன் தொடர்ச்சியாக எடுத்துக்கொள்ளலாம். நேற்று வெளியிட்ட பதிவில் முழு பட்டியலையும்  வெளியிடவில்லை. இன்று இப்பதிவில் அதனை வெளியிட்டுள்ளேன். அதுமட்டுமில்லாமல் சீனாவின் ஹுருன் ஆய்வு நிறுவனம் வெளியிட்ட இந்தியாவின் டாப் 100 பணக்காரர்கள் பட்டியலில் தமிழர்கள் எத்தனை பேர் இடம் பிடித்துள்ளார்கள் என்று அறிய நம்மில் பலருக்கு ஆர்வம இருக்கும். அந்த காரணத்திற்காகவும் இப்பதிவு இன்று வெளியிடப்படுகிறது. ஏனென்றால் டாப் 100 பணக்காரர்கள் பட்டியலில் மூன்று தமிழர்கள் இடம்பிடித்துள்ளனர்.

தமிழர்களில் முதல் இடத்தை சன் நெட்வொர்க் அதிபர் கலாநிதி மாறன் வகிக்கிறார். அவர் அகில இந்திய அளவில் 28 வது இடத்தை பிடிக்கிறார். இவரின் சொத்து மதிப்பு $2,200 மில்லியன். இரண்டாவது இடத்தை EID Parry நிறுவன அதிபர் வெள்ளையன் முருகப்பா குடும்பத்தினரும் (அகில இந்திய அளவில் 61 வது இடம்), மூன்றாவது இடத்தை அப்போலோ ஹாஸ்பிடல்ஸ் அதிபர் பிரதாப் ரெட்டியும் (அகில இந்திய அளவில் 84 வது இடம்)  வகிக்கின்றனர். இவர்களின் சொத்து மதிப்பு முறையே $860 மில்லியன் மற்றும் $560 மில்லியன் ஆகும்.  

Hurun India Rich List 2012

	Name	Wealth US$m	Company	Location
1	Mukesh Ambani	19,300	Reliance Industries	Mumbai
2	Lakshmi Narayan Mittal	16,900	Arcelor Mittal	London
3	Azim Premji	12,300	Wipro	Bangalore
4	Dilip Shanghvi	8,500	Sun Pharmaceuticals	Mumbai
5	Pallonji Mistry	7,900	Shapoorji Pallonji & Co	Mumbai
6	Shashi & Ravi Ruia	7,200	Essar Energy	Mumbai
7	Adi Godrej	6,900	Godrej Group	Mumbai
8	Kushal Pal Singh	6,300	DLF	Delhi
9	Kumara Mangalam Birla	5,800	Grasim Industries	Mumbai
10	Shiv Nadar	5,700	HCL Technology	Delhi
10	Sunil Mittal	5,700	Bharti Airtel	Delhi
12	Savitri Jindal	5,600	Jindal Steel & Power	Delhi
13	Anil Ambani	5,300	Reliance Infrastructure	Mumbai
14	Micky Jagtiani	4,100	LandMark Group	Dubai
15	Uday Kotak	4,000	Kotak Mahindra Bank	Mumbai
16	Brijmohan Lall Munjal & Family	3,800	Hero Moto Corp	Delhi
17	Anand Burman	3,100	Dabur	Delhi
17	Gautam Adani	3,100	Adani Enterprise	Ahmedabad
19	Rahul Bajaj	3,000	Bajaj Auto Limited	Pune
20	Pankaj Patel	2,800	Cadila Healthcare	Ahmedabad
21	Venugopal Dhoot	2,700	Videocon Industries	Mumbai
22	Subhash Chandra	2,500	Zee Networks	Mumbai
22	Desh Bandhu Gupta	2,500	Lupin Pharmaceuticals	Mumbai
22	Anil Agarwal	2,500	Vedanta Resources	London
25	Cyrus Poonawalla	2,300	Serum Pharma	Pune
25	Ajay Kalsi	2,300	Indus Gas Ltd	Delhi
25	Yusuf Hamied	2,300	Cipla	Mumbai
28	Malvinder Mohan Singh & Shivinder Mohan Singh	2,200	Religare Enterprise	Delhi
28	Kalanithi Maran	2,200	Sun Networks	Chennai
30	Rajan Raheja	2,100	Exide Industries	Mumbai
31	Habil Khorakiwala	1,900	Wockhardt	Mumbai
32	Sudhir & Samir Mehta	1,700	Torrent pharma	Ahmedabad
32	Indu Jain	1,700	Bennett Coleman	Delhi
34	Ajay Piramal	1,600	Piramal healthcare	Mumbai
35	Murali Divi	1,500	Divi's Lab	Hyderabad
35	Benu Gopal Bangur	1,500	Shree cements	Kolkata
37	K. Anji Reddy	1,400	Dr Reddy's Lab	Hyderabad
37	Balvant Parekh	1,400	Pidilite Industries	Mumbai
37	Harsh Mariwala	1,400	Marico Ltd	Mumbai
37	Ashwin Dani	1,400	Asian Paints	Mumbai
37	N.R. Narayana Murthy	1,400	Infosys	Bangalore
42	Brij Bhushan Singal	1,300	Bhusan Steel	Delhi
42	Shyam & Hari Bhartia	1,300	Jubilant Foodworks	Delhi
44	Gautam Thapar	1,200	Avantha Group	Delhi
44	Vikas Oberoi	1,200	Oberoi Reality	Mumbai
44	Kapil & Rahul Bhatia	1,200	Indigo Aviations	Gurgaon
47	Glenn Saldanha & Family	1,100	Glenmark Pharma	Mumbai
47	Vijay Mallya	1,100	United Breweries	Bangalore
47	G M Rao	1,100	GMR	Bangalore
47	Ashwin Choksi	1,100	Asian Paints	Mumbai
47	Rajesh Mehta	1,100	Rajesh Exports	Bangalore
47	Jaiprakash Gaur	1,100	Jaiprakash Associates	Delhi
53	Chandru Raheja	1,000	K Raheja Corp	Mumbai
53	Abhay Vakil	1,000	Asian Paints	Mumbai
53	S Gopalakrishnan	1,000	Infosys	Bangalore
53	Nandan Nilekani	1,000	Infosys	Bangalore
53	Mangal Prabhat Lodha	1,000	Lodha Developers	Mumbai
53	Bhupendra Kumar Modi	1,000	Spice Group	Singapore
53	Niranjan Hiranandani	1,000	Hiranandini Developers	Mumbai
60	Hemendra Kothari	900	DSP BlackRock	Mumbai
61	Anand Mahindra	860	Mahindra & Mahindra	Mumbai
61	Vellayan Murugappa & Family	860	EID Parry	Chennai
63	M.G. George Muthoot	800	Muthoot Finance	Delhi
63	Rakesh Jhunjhunwala	800	Rare Enterprise	Mumbai
65	Karsanbhai Patel	790	Nirma	Ahmedabad
66	V.G. Siddhartha	780	Coffee day Resorts	Bangalore
66	Baba Kalyani	780	Bharat Forge	Pune
68	Analgit Singh	770	Max India	Delhi
69	Qimat Rai Gupta	750	Havells India	Delhi
70	K. Dinesh	730	Infosys	Bangalore
71	Anu Aga	690	Thermax	Pune
72	Keshub Mahindra	680	Mahindra & Mahindra	Mumbai
73	Devendra Kumar Jain	670	Gujarat Flouro Chemicals	Delhi
74	S.D. Shibulal	650	Infosys	Bangalore
74	Shishir Bajaj	650	Bajaj Corp	Mumbai
76	Kiran Mazumdar-Shaw	640	Biocon	Bangalore
77	Mofatraj Munot	630	Kalpataru Group	Mumbai
78	Sanjiv Goenka	610	CESC	Kolkata
78	T.T. Jagannathan	610	TTK Prestige	Bangalore
80	Radhe Shyam Goenka	580	Emami Ltd	Kolkata
80	Radhe Shyam Agarwal	580	Emami Ltd	Kolkata
80	Irfan Razack	580	Prestige Estate Projects	Bangalore
83	Vivek Chaand Sehgal	570	Motherson Sumi System	Delhi
84	Harsh Goenka	560	RPG Group	Mumbai
84	Ramesh Agarwal	560	Dainik Bhaskar	Bhopal
84	Prathap Reddy	560	Apollo Hospitals	Chennai
87	Virendra Mhaiskar	550	IRB Infrastructure Developers	Mumbai
88	Naresh Goyal	490	Jet Airways	London
88	Shobhana Bhartia	490	Hindustan Times	Delhi
90	Ramesh Chandra	480	Unitech	Delhi
91	Ramesh Genomal & family	440	Page Industries	Bangalore
92	Bhadresh Shah	400	AIA Engineering	Ahmedabad
93	PNC Menon	390	Sobha Developers	Bangalore
93	PV Ramaprasad Reddy	390	Aurobindo Pharma	Hyderabad
95	Tulsi Tanti	380	Suzlon	Pune
95	L. Madhusudan Rao	380	Lanco Infratech	Delhi
97	Kishore Biyani	370	Pantaloon retail	Mumbai
98	Rana Kapoor	340	Yes bank	Mumbai
99	Prithvi Raj Singh Oberoi	330	East India Hotels	Delhi
99	Atul Ruia	330	Phoenix Mills Ltd	Mumbai

Geographical spread

Rank	Geography	Number of indiv.	Richest Person
1	Mumbai	36	Mukesh Ambani
2	Delhi	22	Kushal Pal Singh
3	Bangalore	15	Azim Premji
4	Ahmedabad	5	Gautam Adani
4	Pune	5	Rahul Bajaj
6	Kolkata	4	Benu Gopal Bangur
7	London	3	Lakshmi Narayan Mittal
7	Chennai	3	Kalanithi Maran
7	Hyderabad	3	Murali Divi
10	Dubai	1	Micky Jagtiani
10	Gurgaon	1	Kapil & Rahul Bhatia
10	Singapore	1	Bhupendra Kumar Modi
10	Bhopal	1	Ramesh Agarwal

Wealth Allocation by Sector

Rank	Sector	No. of indiv.	Richest Individual
1	Manufacturing	17	Kumara Mangalam Birla
2	Pharmaceuticals	12	Dilip Shanghvi
3	Real estate	10	Kushal Pal Singh
4	Infrastructure	8	Anil Ambani
5	Energy	7	Mukesh Ambani
5	Technology	7	Azim Premji
7	FMCG	6	Adi Godrej
8	Media & Entertainment	5	Subhash Chandra
9	Automobile	4	Brijmohan Lall Munjal & Family
9	Retail	4	Micky Jagtiani
11	Financial services	3	Malvinder & Shivinder
11	Services	3	Habil Khorakiwala
11	Steel	3	Lakshmi Narayan Mittal
14	Aviation	2	Kapil & Rahul Bhatia
14	Banking	2	Uday Kotak
14	Food & Beverages	2	Shyam & Hari Bhartia
14	Investments	2	Hemendra Kothari
14	Telecom	2	Sunil Mittal
19	Engineering & Construction	1	Pallonji Mistry

நன்றி: www.hurun.net

	Tweet

இந்தியாவின் டாப் 100 பணக்காரர்களின் புதிய பட்டியல்!

உலகப்பிரசித்தி பெற்ற சீனாவை சேர்ந்த Hurun  நிறுவனம் இந்தியாவின் டாப் 100 பணக்காரர்கள் பட்டியலை முதன்முறையாக வெளியிட்டுள்ளது. செப்டம்பர்,22 ,2012  அன்றைய சொத்து மதிப்பினை அடிப்படையாக கொண்டு இப்பட்டியல் வெளியிடப்பட்டுள்ளது. (அதாவது செப்டம்பர்,22 ,2012   அன்று அமெரிக்கன் டாலருக்கெதிரான இந்திய ரூபாயின் மதிப்பு ரூ.54/-  எனபது அடிப்படை அளவீடாகும்) அவற்றுள் முதல் 10 இடங்களை பிடித்த பணக்காரர்கள் பட்டியல் இதோ!

1) ரிலையன்ஸ் இண்டஸ்ட்ரீஸ் சேர்மன் முகேஷ் அம்பானி $19.3 பில்லியன் சொத்துக்களோடு முதலிடத்தை பிடித்துள்ளார்.

2) இரண்டாவது இடத்தை ஸ்டீல் நிறுவன தொழிலதிபர் L N  மிட்டல் வகிக்கிறார். இவரின் சொத்து மதிப்பு $16.9 பில்லியன்.

3) விப்ரோ நிறுவன தலைவர் அசிம் ப்ரேம்ஜி (USD 12.3 பில்லியன்)

4)சன் பார்மாசுடிகல்ஸ் (Sun  Pharmaceuticals) நிறுவன தலைவர்                திலிப் சங்கவி  (USD 8.5 பில்லியன்)

5) Shapoorji Pallonji & Co நிறுவன தலைவர் பலோன்ஜி மிஸ்ட்ரி (USD        7.9 பில்லியன்)

6) எஸ்ஸார் எனர்ஜி நிறுவன தலைவர் ஷாஷி மற்றும் ரவி ரூயா (USD 7.2 பில்லியன்)

7) கோத்ரேஜ் நிறுவன அதிபர் ஆதி கோத்ரேஜ் ( USD 6.9 பில்லியன்).

8) DLF நிறுவன அதிபர் குஷால் பால் சிங் (USD 6.3 பில்லியன்),

9)கிராசிம் இண்டஸ்ட்ரீஸ் (Grasim Industries) அதிபர் குமார மங்களம் பிர்லா(USD 5.8 பில்லியன்),

10)பத்தாவது இடத்தை இருவர் வகிக்கின்றனர். HCL  நிறுவன அதிபர் ஷிவ் நாடார் மற்றும் பாரதி ஏர்டெல் நிறுவன அதிபர் சுனில் மிட்டல். இருவரின் சொத்து மதிப்பும் தலா $ 5.7 பில்லியன்  ஆகும் 

டாப் 100 பணக்காரர்கள் பட்டியலில் ஆண்களே பெரும்பான்மையாக இடம்பிடித்துள்ளனர். பெண்கள் வெறும் 5% மட்டுமே இடம்பிடித்துள்ளனர். அதாவது வெறும் 5 பெண்களே இப்பட்டியலில் இடம்பிடித்துள்ளனர். அவர்களுள் சாவித்திரி ஜிண்டால்  $ 5.6 பில்லியன் சொத்து மதிப்புகளோடு முதலிடத்தை வகிக்கிறார். இரண்டாம் இடத்தை பென்னட் கோல்மன் நிறுவன அதிபர் இந்து ஜெயின் $1.7 பில்லியன் சொத்து மதிப்புகளோடு வகிக்கிறார். மூன்றாம் இடத்தை தெர்மாக்ஸ் நிறுவன தலைவர் அனு ஆகா  $690 மில்லியன் சொத்துக்களோடு வகிக்கிறார். பயோகான் நிறுவன தலைவர் கிரண் மசும்தார் ஷா ($600 மில்லியன்) நான்காம் இடத்தையும், ஹிந்துஸ்தான் டைம்ஸ் நிறுவன அதிபர் ஷோபனா பார்தியா($490 மில்லியன்) ஐந்தாம் இடத்தையும் பெறுகின்றனர். 

2012 –ஆம் ஆண்டில் சொத்து மதிப்பு இறங்குமுகத்தில் உள்ளவர்கள் பட்டியலில் முகேஷ் அம்பானி, L N மிட்டல், ஷாஷி ரூயா மற்றும் ரவி ரூயா, குமாரமங்கலம் பிர்லாவின் நிறுவனம் ஹின்டால்கோ மற்றும் சுனில் மிட்டல் ஆகியோர் உள்ளனர். 

2012 –ஆம் ஆண்டில் சொத்து மதிப்பு ஏறுமுகத்தில் உள்ளவர்கள் பட்டியலில்  அசிம் பிரேம்ஜி, திலிப் சிங்வி, பலோன்ஜி மிஸ்ட்ரி மற்றும் ஷிவ் நாடார் ஆகியோர் இடம் பிடித்துள்ளனர்.

ஹுருன் இந்தியா பணக்காரர்கள் பட்டியலில் இடம்பெற்றவர்களுள் 62% பேர் சுயமாக வளர்ச்சியடைந்து (வாரிசு அடிப்படையில் இல்லாமல்) பட்டியலில் இடம்பிடித்துள்ளார்கள் எனபது குறிப்பிடத்தக்கது. சுயமாக வளர்ச்சியடைந்த தொழிலதிபர்களுள்  ஒரே ஒரு பெண் தொழிலதிபர் கிரண் மசும்தார் ஷா மட்டுமே இடம்பிடித்துள்ளார்.

டாப் 100 பணக்காரர்களில் 36 பேர் மும்பை நகரை சேர்ந்தவர்கள். 22 பேர் டெல்லியை சேர்ந்தவர்கள் மற்றும்  15 பேர் பெங்களூர் நகரை  சேர்ந்தவர்கள். 5 பேர் வெளிநாடு வாழ் இந்தியர்கள். அவர்களில் ஸ்டீல் தொழிலதிபர் L N மிட்டல் முதன்மையானவராக திகழ்கிறார். பட்டியலில் மிக வயது குறைந்தவராக ஷிவிந்தர் மோகன்சிங் (37 வயது) இருக்கிறார். அதிக வயதானவராக கேசுப் மஹிந்திரா (89 வயது) இருக்கிறார். டாப் 100 பட்டியலின் சராசரி வயது 62. டாப் 10 பட்டியலின் சராசரி வயது 65.

எனவே இதிலிருந்து நமக்கு உணர்த்தப்படும் நீதி என்னவென்றால் இந்தியா பணக்கார நாடாகிவிட்டது என்பதாகும்!.

	Tweet

2004-ல் சோனியா பிரதமர் ஆவதை தடுத்தது யார்!?

2004 –ஆம் ஆண்டு பாராளுமன்ற தேர்தலில் காங்கிரஸ் கூட்டணியை ஆட்சி அமைக்க ஜனாதிபதி கலாம் அழைப்பு விடுத்தார். சோனியா காந்திதான் அடுத்த பிரதமர் என்று அனைவரும் உறுதியாக நம்பினார். சோனியாவும் தான்தான் அடுத்த பிரதமர் என்று நம்பினார். ஆனால் அவர் கலாமை சந்தித்துவிட்டு வந்தபின் அனைத்தும் தலைகீழாக மாறியது. மன்மோகன் சிங் பிரதமராக அறிவிக்கப்பட்டார்.  சோனியா காந்தி பிரதமர் ஆவதை தடுத்தது எது?. அப்போதைய ஜனாதிபதி அப்துல் கலாம் எடுத்த முடிவுதான் சோனியாவின் பிரதமர் பதவி ஆசைக்கு தடையாக இருந்தது எனபது அனைவரும் அறிந்ததுதான். ஆனால் கலாம் அப்படி ஒரு முடிவெடுக்க எது காரணமாக இருந்தது?. சமீபத்தில் கூட ஒரு பேட்டியில் சோனியா பிரதமர் ஆவதை தான் ஒருபோதும் தடுக்கவில்லை என்று கலாம் கூறியிருந்தார். அப்படியானால் அன்று ஆட்சி அமைக்க சோனியாவை ஏன் கலாம் அழைக்கவில்லை?. அந்த ரகசியம் தற்போது வெளியாகியுள்ளது.

ஜனதா கட்சி தலைவர் சுப்ரமணியம் சுவாமி ஜனாதிபதிக்கு எழுதிய ஒரு கடிதமே, 2004-ல்  கலாம்  பிரதமர் பதவிக்கு சோனியாவை நிராகரித்ததற்கு ஒரு முக்கிய காரணமாக இருந்துள்ளது. அக்கடிதத்தின் விளைவாகவே  ஆட்சி அமைக்க சோனியாவை கலாம் அழைக்கவில்லை என்ற உண்மை தகவல் அறியும் சட்டத்தின் மூலம் தற்போது தெரியவந்துள்ளது.

டெல்லியை சேர்ந்த சுபாஷ் அகர்வால் தகவல் அறியும் உரிமை சட்டத்தின் மூலம் 2004 – ல் மத்தியில் ஆட்சி அமைப்பது தொடர்பாக ஜனாதிபதி அலுவலகத்திற்கும், மற்றவர்களுக்கும் இடையே நடந்த கடிதப் போக்குவரத்து மற்றும் கோப்பு தொடர்பான தகவல்களை ஜனாதிபதி அலுவலகத்தில் கேட்டார். 

இதற்கான பதிலை ஏப்ரல், 26, 2012 அன்று ஜனாதிபதி அலுவலகம் அளித்தது. அதில் 2004 – ல் மன்மோகன் சிங் ஆட்சி அமைக்க அழைக்கப்படுவதற்கு முன்பாக சுப்ரமண்யம் சுவாமி ஜனாதிபதி கலாமிற்கு ஒரு ரகசிய கடிதம் எழுதியதாகவும், அக்கடிதத்தின் அடிப்படையிலேயே கலாம் யாரை ஆட்சி அமைக்க அழைக்கலாம் என்ற முடிவை Article 75 – ன்படி எடுத்தார் என்றும் தெரிவிக்கப்பட்டிருந்தது. எனினும் சுவாமி எழுதிய கடிதத்தின் நகலை  மனுதாரர் அகர்வாலுக்கு வழங்கமுடியாது என்றும், அது தகவல் அறியும் சட்டம் பிரிவு  8(1) (e) – க்கு எதிரானது என்றும் மேலும் தெரிவித்தது.  ஆயினும் தலைமை பொது தகவல் மேலாளர் (chief public information officer) தனது பதிலில் அப்போதைய ஜனாதிபதி கலாம், சுவாமி எழுதிய கடிதத்தின் அடிப்படையிலேயே பிரதமர் பதவிக்கு சோனியாவை நிராகரித்தார் என்று ஒத்துக்கொண்டது மிகப் பெரும் பரபரப்பை அரசியல் வட்டாரத்தில் ஏற்படுத்தியுள்ளது.

அக்கடிதத்தில் அப்படி என்னதான் சுவாமி எழுதியிருந்தார்? RTI Act, section 11 – ன்படி சுவாமியின் ஒப்புதல் பெற்று அக்கடிதத்தை ஜனாதிபதி அலுவலகம் வெளியிடமுடியும். ஆனால் ஜனாதிபதி அலுவலகம் இதுதொடர்பாக சுவாமியின்  கருத்தை கேட்கவில்லை. ஆனாலும் அக்கடிதத்தில் தெரிவிக்கப்பட்ட கருத்துக்கள் அநேக பத்திரிக்கைகளில் பேட்டிகள் வாயிலாக ஏற்கனவே சுவாமியால் வெளிப்படையாக வெளியிடப்பட்டுள்ளது. இதுபற்றி சுப்பிரமணிய சுவாமி தெரிவிக்கையில் UPA கூட்டணி ஆட்சி அமைக்கும் முன் தான் ஜனாதிபதிக்கு ஒரு கடிதம் எழுதியதாகவும், காங்கிரஸ் தலைவர் சோனியா காந்தி Citizenship Act விதிகளின்படி பிரதமராக பதவி ஏற்க முடியாது என்றும், அவ்வாறு ஜனாதிபதி  ஆட்சி அமைக்க சோனியாவை அழைத்தால், அதனை தான் நீதிமன்றத்தில் எதிர்க்கப்போவதாகவும் அக்கடிதத்தில் தெரிவித்ததாக அவர் உறுதிப்படுத்தினார். எனவே இதனை அடுத்தே சோனியாவை பிரதமராக ஏற்க கலாம் மறுத்துவிட்டார் என்பது நமக்கு புலனாகிறது. சுவாமியே கடிதத்தில் உள்ள தகவல்களை வெளியிட்டபின், ஜனாதிபதி அலுவலகம் இன்னும் அக்கடிதத்தை ரகசிய ஆவணம் என்று சொல்லிவருவது நல்லநகைச்சுவைதான்!

சுப்ரமண்யம் சுவாமியை அரசியல் கோமாளி என்று அவருடைய அரசியல் எதிரிகள் விமர்சிப்பதுண்டு. ஆனால் சுவாமியின் அரசியல் நடவடிக்கைகள் இந்திய அரசியலில் மிகப் பெரிய விளைவுகளை உண்டாக்கியிருக்கிறது. பிஜேபி அரசு கவிழ்ப்பு, 2G ஊழல் போன்றவை அவற்றுள்  சில. இப்போது சோனியாவின் பிரதமர் பதவி ஆசை கனவாகிப்போனதற்கும் சுவாமிதான் காரணம் எனபது அவரது சாதனையில் மற்றொரு மைல் கல்!

	Tweet

சுதந்திர இந்தியாவின் முதல் ஊழல் -ஒரு பார்வை!

நேருவுடன் கிருஷ்ண மேனன்

ஊழல்கள் கொழிக்கும் நாடாக இன்று இந்தியா திகழ்கிறது. ஆனால் இந்தியாவில் ஊழல்கள் வெளிவரும் வேகத்திலேயே அதன் பரபரப்பும் உடனே அடங்கிவிடுகிறது. ஒரு ஊழல் அல்லது இரண்டு ஊழல என்றால் நினைவில் வைத்துக்கொள்ளலாம். நாளுக்கு ஒரு  ஊழல், 1.86 லட்சம் கோடி, 3 லட்சம் கோடி ஊழல் என்றால் இந்திய குடிமகனால் அனைத்தையும் எப்படி நினைவில் வைத்துகொள்ளமுடியும்.ஆனாலும் எந்த நேர்விலும்  முதல் தடவை என்பதற்கு ஒரு மதிப்பு உண்டு. உதாரணமாக கல்லூரியில் முதல் நாள், முதல் காதல், முதலிரவு, etc என்பது போல. அதுபோல சுதந்திர இந்தியாவின் ஊழல் வரலாற்றில் முதல் ஊழல் எது என்று அறிய நமக்கெல்லாம் ஒரு ஆவல் இருக்கும். அந்த பெருமையை  1948 –ல் நடந்த  ராணுவ ஜீப் ஊழல் தட்டிச்செல்கிறது.

அப்போது பிரிட்டனின் இந்திய ஹைகமிஷனராக பணிபுரிந்த  V.K. கிருஷ்ண மேனன் விதிமுறைகளை மீறி ராணுவத்திற்கு ஜீப் வாங்கும் எண்பது லட்ச ரூபாய்க்கான ஒப்பந்தத்தில் வெளிநாட்டு நிறுவனத்துடன் கையேழுத்திட்டார்.  அப்போது இந்திய ராணுவத்திற்கு 4603 ஜீப்கள் தேவைப்பட்டது. எண்பது லட்ச ரூபாய்க்கு 1500 ஜீப்கள் வாங்குவதற்கு ஒப்பந்தம் செய்யப்பட்டது. ஒப்பந்தத்திற்கு பின் ஒன்பது மாதங்களாகியும் ஜீப்கள் இந்திய அரசிடம் ஒப்படைக்கப்படவில்லை. சம்பந்தப்பட்ட நிறுவனம் ஜீப்களை ஒப்படைக்கும் முன்பே மொத்த பணத்தின் பெரும் பகுதி அந்த  நிறுவனத்திற்கு வழங்கப்பட்டது. 1949 – ல் 155 ஜீப்கள் மட்டும் இந்திய அரசிடம் ஒப்படைக்கப்பட்டன. அப்போதைய பிரதமர் அவற்றினை இந்திய ராணுவம் பெற்றுக்கொள்ளும்படி வற்புறுத்தித்தினார்.

இந்த ஊழலைப் பற்றி விசாரிக்க நேரு அரசினால் அனந்தசயனம் ஐயங்கார் தலைமையில் விசாரணை கமிஷன் அமைக்கப்பட்டது. அந்த விசாரனை கமிஷன் தனது விசாரணை அறிக்கையில் நீதிமன்ற விசாரணைக்கு சிபாரிசு செய்தது. எதிர்கட்சிகளும் நீதிமன்ற விசாரணையை கோரினர். ஆனால் நேரு நீதிமன்ற விசாரணைக்கு ஒத்துக்கொள்ளவில்லை. அப்போது உள்துறை அமைச்சராக இருந்த கோவிந்த் பல்லாப் பந்த்  செப்டம்பர் 30, 1955 – ல் ஒரு அறிக்கையினை வெளியிட்டார். அதன்படி ஜீப் ஊழல் வழக்கு முடிக்கப்படுவதாகவும், எதிர்கட்சிகள் திருப்தி அடையாவிட்டால்  இப்பிரச்சினையை தேர்தல் பிரச்சாரத்திற்கு பயன்படுத்திக்கொள்ளலாம் என்றும் தெரிவித்தார். 

இச்சம்பவத்தில் முக்கியமான விஷயம் என்னவென்றால், இந்த ஊழலில் தொடர்புடையதாக கூறப்படும் V.K. கிருஷ்ண மேனன் பிப்ரவரி  3,1956  அன்று நேருவின் அமைச்சரவையில் இலாகா இல்லாத அமைச்சராக சேர்த்துக்கொள்ளப்பட்டார். பின்னாளில் நேருவின் நம்பிக்கைக்கு உரிய நண்பராக  V.K. கிருஷ்ண மேனன் உருவானார். இதில் வேதனையான விஷயம், பின்னாளில் இதே V.K. கிருஷ்ண மேனனை பாதுகாப்பு துறை அமைச்சராகவும் நேரு நியமித்தார்.

மேற்கண்ட சம்பவத்திலிருந்து நமக்கு ஒரு படிப்பினை கிடைக்கிறது. ஊழல் என்பது காங்கிரசின் இரத்தத்தில் ஊறியது. ஊழல் செய்தவர்களுக்கு மேலும் பதவிகளை கொடுத்து உற்சாகப்படுத்தும் கட்சி காங்கிரஸ். மக்களின் எண்ணங்களுக்கு சற்றும் மரியாதை அளிக்காத கட்சி காங்கிரஸ். 1948 – ல் தொடங்கிய காங்கிரசின் இந்த ஊழல் ஸ்டைல்   2012 – லும் மாறவில்லை. 2G ஊழலில் சிக்கிய ராஜா, கனிமொழி, காமன்வெல்த் ஊழலில் சிக்கிய கல்மாடி ஆகியோரை Parliamentary Standing Committee உறுப்பினர்களாக தற்போது நியமித்துள்ள  மன்மோகன் அரசின் நடவடிக்கையை இதற்கு உதாரணமாக கூறலாம். வரலாறு எவ்வளவு முக்கியம் என்று இப்போது நமக்கு புரிகிறது.

	Tweet

பாகிஸ்தானை அதிர வைக்கும் காதல் கதை - பின்னனியில் ISI சதி!

பாகிஸ்தான் மட்டுமல்ல. உலகம் முழுவதும் இன்று பரபரப்பாக பேசப்படும் காதல் கதை ஹினா ரப்பானி கர் மற்றும் பிலவால் புட்டோ  சர்தாரி ஜோடியினதுதான். ஹினா பாகிஸ்தானின் வெளியுறவு துறை அமைச்சர். 34 வயது. திருமணமானவர். இரண்டு குழந்தைகளுக்கு தாய். கணவர் மிக பெரிய கோடீஸ்வரர். பிலவால்  பாகிஸ்தான் அதிபர் சர்தாரி - பெனாசிர் புட்டோ ஆகியோரின்  24 வயது வாரிசு. பாகிஸ்தானின் செல்வாக்கு மிக்க குடும்பத்தை சார்ந்தவர். கடந்த வாரம் பங்களாதேஷ் வார பத்திரிக்கை Blitz, ஹினா, பிலவால் இருவரும் ஒருவரை ஒருவர் காதலிப்பதாகவும் , இருவரும் திருமணம் செய்ய விரும்புவதாகவும், இருவரும் தொலைபேசியில் அடிக்கடி பேசிக்கொள்வதாகவும், வாழ்த்து அட்டைகளை பரிமாறிக்கொள்வதாகவும் சில நாட்களுக்கு முன்பு செய்தி வெளியிட்டது.

Bilawal and Hina

 சர்தாரி இருவரின் காதலுக்கும் கடும் எதிர்ப்பை தெரிவித்ததாகவும், இருவரின் தொலைபேசி உரையாடல்கள் பற்றிய விவரங்களை உளவு நிறுவனங்களிடம் கேட்டுள்ளதாகவும் அப்பத்திரிகை மேலும்  தெரிவித்தது. ஹினாவும் அவரது கணவரும் பத்திரிக்கை செய்தியை மறுத்தனர். மேற்கண்ட  செய்தி பொய்யானவை என்றும், குப்பை என்றும் வர்ணித்தனர். 

இதற்கிடையே தி டெய்லி டெலிகிராப் பத்திரிக்கை Blitz பத்திரிக்கை செய்தியின் பின்னணியில் பாகிஸ்தானின் உளவு அமைப்பான Inter-Services Intelligence (ISI)  - யின் சதித்திட்டம் இருப்பதாக அறிவித்துள்ளது. பாகிஸ்தான் மக்கள் கட்சியின் பெயர் வெளியிட விரும்பாத முக்கிய தலைவர்களின் கருத்தினை அடிப்படையாக கொண்டு மேற்கண்ட தகவல்களை டெலிகிராப் பத்திரிக்கை வெளியிட்டுள்ளது. 

பாகிஸ்தான் பாதுகாப்பு படையினரால் விசாரணைக்கு கொண்டு செல்லப்பட்ட ஆயிரக்கணக்கான  மக்கள் காணாமல் போனது பற்றி விசாரிக்க  ஐ.நா விசாரணை குழுவிற்கு ஹினா ஒப்புதல் அளித்ததாகவும், அதனால் ISI  ஹினா மீது கடும் கோபம கொண்டுள்ளதாகவும், எனவே ஹினாவின் நற்பெயருக்கு களங்கம் கற்பிக்கும் வகையில் இத்தகைய வதந்தியை ISI பரப்பி உள்ளதாகவும் டெலிகிராப் மேலும் தெரிவித்துள்ளது. United Nations’ Working Group on Enforced and Involuntary Disappearances குழு தனது விசாரணையில் பாகிஸ்தான் ராணுவத்தின் சில அதிகாரிகளையும், சில ISI அதிகாரிகளையும் அவர்களுடைய சட்ட விரோத செயல்களுக்காக தண்டிக்க அரசுக்கு சிபாரிசு செய்யும் என ISI எதிர்பார்க்கிறது என்றும், அதனால் ஹினாவின் இந்த முடிவு குறித்து கடும் அதிருப்தி கொண்டுள்ளதாகவும் மேலும் ஒரு C பாகிஸ்தான் மக்கள் கட்சியின்  (PPP) உறுப்பினர் டெலிகிராப் பதிரிக்கையிடம் தெரிவித்தார். ஆனால் மேற்கண்ட குற்றச்சாட்டுகளுக்கு இதுவரை பாகிஸ்தான் அரசு பதில் அளிக்கவில்லை.

ஹினாவுக்கும், ISI – கும் இடையே கருத்து வேறுபாடு உள்ளதாக வெளிவந்த செய்தியை பாகிஸ்தான் ராணுவம் மறுத்துள்ளது. Inter-Services Public Relations (ISPR) வெளியிட்ட அறிக்கையில் ISI மீதான டெலிகிராப் பத்திரிக்கையின் குற்றச்சாட்டு தவறானது; அடிப்படையற்றது என்று தெரிவித்துள்ளது. நாட்டில் குழப்பத்தை ஏற்படுத்தி நாட்டை பலவீனப்படுத்த விரும்பும் அன்னிய சக்திகளால் இத்தகைய வதந்திகள் பரப்பப்படுகின்றன என்றும், செய்திகளை வெளியிடும் முன் டெலிக்ராப் பத்திரிக்கை செய்தியின் உண்மைத் தன்மை குறித்து உறுதிப்படுத்திக்கொள்ளவேண்டும் என்றும், பொறுப்போடு நடந்துகொள்ள வேண்டும் என்றும், ஆதாரமில்லாமல் செய்திகளை வெளியிட்டால் சட்டபூர்வமான நடவடிக்கைகளுக்கு உட்பட நேரிடும் என்றும் ISPR தெரிவித்துள்ளது.

இங்கு நாம் கவனத்தில் கொள்ளவேண்டியது  ஹினா – பிலவால் காதல் பற்றியது அல்ல. அச்செய்தி உண்மையாகவும் இருக்கலாம். வதந்தியாகவும் இருக்கலாம். உண்மையாக இருந்தாலும் அது அவர்களின் தனிப்பட்ட விஷயம். அவர்களின் நாட்டு சட்ட விதிகளின்படி அவர்கள் என்ன முடிவு வேண்டுமானாலும் எடுக்க உரிமை உண்டு. இச்செய்தியை நான் இங்கு பதிவு செய்ய ஒரு முக்கிய  காரணம் உண்டு. தனி மனிதனாகட்டும், அல்லது அலுவலகமாகட்டும், அல்லது குடும்பமாகட்டும், அல்லது தேசமாகட்டும் ஒரு பெண்ணை பழிவாங்க வேண்டுமானால் நாம் எடுக்கும் ஆயுதம் அவளின் ஒழுக்க நடத்தையை பற்றி வதந்தியை கிளப்புவதாகவே இருக்கிறது.

	Tweet